«Շինարարություն և ներքին հարդարում 2009» ցուցահանդես

armplast ընկերությունը մասնակցել է «Շինարարություն և ներքին հարդարում 2009» մասնագիտացված ցուցահանդեսին, որը կայացել է ապրիլի 10-12-ը Երևանում, Կ. Դեմիրճյանի անվան մարզահամերգային համալիրում: «Պրոմ Էքսպո»-ի կողմից անցկացվող «Շինարարություն և ներքին հարդարում» ցուցահանդեսը տեղի է ունենում արդեն երկրորդ անգամ: Այս ցուցահանդեսին մասնակցում են հարյուրից ավելի տեղական և արտերկրյա ընկերություններ, որոնք 3200 քմ տարածքի վրա ներկայացնում են 500-ից ավելի անուն արտադրանք: Armplast ընկերությունը ցուցահանդեսին ներկայացրել է իր արտադրանքի լայն տեսականին: Ընկերության ստենդի վրա ցուցադրված էին բարձրորակ շրջանակային համակարգեր և ՊՎՔ խողովակներ` արտադրված ընկերության կողմից: Ավելին, ցուցահանդեսի շրջանակներում armplast ընկերությունը ներկայացրեց իր նոր արտադրանքը` մեծ տրամագծով պոլիէթիլենային խողովակներ, 630 մմ: